«Qazaqstan temir joly» UK» aktsionerlik qoǵamy jolaýshylar tasymaldaityn poiyzdarda áielderge arnalǵan vagondarǵa bilet sata bastady, dep habarlaidy "Ult aqparat" aktsionerlik qoǵamnyń resmi saityna silteme jasap.
«Jolaýshylar tasymaly» AQ biletterdi elektrondyq satý júiesin turaqty túrde jetildirip otyrady. Biylǵy jyldyń 10 qazanynan bastap kompaniia áiel adamdar úshin jol júrý qujattaryn (biletterdi) resimdeý boiynsha jańa qyzmetti iske qosty.
Jobany iske asyrý úshin №77/78 «Almaty – Mańǵystaý» jáne №351/352 «Almaty-1 - Óskemen» jolaýshylar poiyzdarynda bir kýpe vagony iske qosyldy. BILET.RAILWAYS.KZ saitynda nemese «Jolaýshylar tasymaly» AQ bilet kassalarynda temir jol biletterin rásimdeý kezinde «JN» (áielder) belgisi bolǵan jaǵdaida bul vagon tek qana áiel jolaýshylarǵa (tolyqtai vagonǵa) bilet satýǵa arnalǵandyǵyn bildiredi. Sondyqtan er adamdar poiyz biletterin satyp alǵanda muqiiat bolýy kerek. Bul rette atalǵan vagonǵa erip júretin adam bolǵan kezde 7 jasqa deiingi er balalardy resimdeýge ruqsat etiledi.
Birinshi reiske (№77 – 58p. poiyzy, №351– 34p. poiyzy) biylǵy jyldyń 10-shy qazanynda áielder vagonyna 92 jolaýshynyń jol júrý qujattary (biletterin) rásimdeldi.
Áiel jolaýshylar tarapynan osy qyzmetke suranys bolǵan jaǵdaida kompaniia Qazaqstan ishindegi marshrýttardyń aýqymyn keńeitýge jáne óz klientteri tarapynan usynystarǵa daiyn», - delingen Ulttyq kompaniia málimetinde.
