Android platformasyna arnalǵan PlayMarket servisinde «Onlain perepis naseleniia-2021» mobildi qosymshasy paida boldy. Osyǵan qatysty Ulttyq statistika biýrosy atalǵan platformanyń resmi emes ekenin málimdedi, dep habarlaidy QazAqparat.
Ol qosymshany qoldana otyryp, sanaqtan ótken azamattardyń usynǵan bastapqy statistikalyq málimetteriniń qupiialylyǵy saqtalatynyna biýro kepildik bermeidi.
Esterińizge sala keteiik, qazirgi ýaqytta respondentterge sanaqtan onlain rejimde ótýdiń birneshe joly qarastyrylǵan: SANAQ.GOV.KZ saity, E-GOV portalynda tirkelý jáne AITU mobildi qosymshasy.
Azamattardyń yńǵailylyǵy úshin konsýltanttary bar sanaq buryshtary uiymdastyryldy.
Ulttyq statistika biýrosy azamattardyń belsendiligi úshin alǵys aita otyryp, sanaqty onlain ótýge shaqyrady.
Sanaq.gov.kz saity 15 qazanǵa deiin táýlik boiy qoljetimdi bolmaq.
Onlain sanaqtan ótpegender 1-30 qazan aralyǵynda interviýerlerdiń saýaldaryna jaýap bere alady.
Barlyq saýaldar boiynsha 1446 bailanys ortalyǵyna habarlasýǵa bolady. Qońyraý shalý tegin.
