Ulttyq sport túrlerinen memlekettik jattyqtyrýshy bolǵan Ramazan Sáttibaevtyń aitýynsha, Ulttyq sport qaýymdastyǵy bylyqqa belshesinen batqan. Tipti "Samuryq-Qazynadan" bólingen 1 milliard teńgegi Ulttyq sport qaýymdastyǵynyń qurmetti prezidenti Qairat Satybaldy ózi alyp alǵan. Bul týraly ol Nartai Aralbaiulyna bergen suhbat barysynda aitty, dep habarlaidy Ulysmedia.kz.
Ulttyq sport qaýymdastyǵyna Bekbolat Tileýhan prezident bolǵannan keiin túrli máseleler týyndai bergen. Alaida ony sheshýge federatsiia basshysy qulyqsyz bolǵan kórinedi.
«Samuryq-Qazyna» qorynan jyl saiyn ulttyq sportqa iri kólemde aqsha bólinedi. Biraq Bekbolat Tileýhan únemi "aqsha joq" dep otyrady. Bir jyldary biz Ulttyq sport qaýymdastyǵynan 1 milliard teńgedei aqsha aldyq. Bul degen ulttyq sport úshin kóp múmkindik edi. Bekbolatpen sóilesip otyrǵanda kenjelep qalǵan óńirlerdegi kókpardy damytý týraly usynysymdy aittym. Biraq jumys jasaýǵa Bekbolat Tileýhannyń esh qulqy bolǵan joq», — deidi Ramazan Sáttibaev.
Ol osy másele boiynsha Bekbolat Tileýhanmen qatty renjisken.
«Aqsha joq dei bergennen keiin bir kúni renjistik. Sóitsem: «aqsha «Samuryq-Qazynadan» bólingende Ulttyq sport qaýymdastyǵynyń qurmetti prezidenti Qairat Satybaldy baryp ózi alady», deidi Bekbolat Tileýhan. «Sonda Qairat bizdiń ulttyq sporttyń aqshasyna qarap tur ma? Bolmaidy bulai. Oǵan aitaiyq» desem, Bekbolat «Qaitesiz, Raha, qaitesiz?» dei beredi. Basqa federatsiialardy altynmen aptap qoiǵan. Onyń qasynda Ulttyq sport óz jerinde sorlynyń kúnin keship júr ǵoi", — deidi Ramazan Sáttibaev.
Sáttibaev suhbat barysynda "Samuryq-Qazynadan" ulttyq sportqa bólingen aqshanyń bir bóligi Bekbolattyń qaltasyna túsip otyrǵanyn da aitty.
«Qaýymdastyqtyń keńseci Bekbolat Tileýhannyń jeke ǵimaraty bolatyn, soǵan aqsha tólep otyrdyq. Ol jerde tek ulttyq sport qaýymdastyǵy ǵana emes, Sportty damytý ortalyǵy da keńseni jalǵa alyp otyr», — dedi Ramazan Sáttibaev.
