Ulttyq tabiǵi saiabaq aýmaǵynan jer alyp, kásipkerlikpen ainalysqan tulǵalar ieligindegi ýchaskeni lastasa, jerinen aiyrylady. QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komiteti tóraǵasynyń orynbasary Daniiar Turǵanbaev Ortalyq kommýnikatsiialar qyzmetinde ótken brifingide osyndai málimet berdi, dep habarlaidy QazAqparat.
«Biz usynyp otyrǵan zań jobasynda Ákimshilik kodeske jańa bap qosý usynylǵan. Bul bap memlekettik ulttyq tabiǵi saiabaqtarda týristik-rekreatsiialyq qyzmet kórsetý tártibin buzǵany úshin shara qabyldaýdy kózdeidi. Buǵan deiin ondai bap bolmaǵan. Sondyqtan, eshkim mundai jazaǵa tartylmaǵan. Endi orta kásipkerlik sýbektileri mundai zańsyzdyq úshin 30 AEK (87 510 teńge – red.), al iri kásipkerlik sýbektileri 100 AEK (291 700 teńge – red.) aiyppul tóleidi», - degen vedomstvo ókili tabiǵatqa janashyrlyq tanytpaǵan kásipkerler ieligindegi jerden aiyrylatynyn da eskertti.
«Ulttyq saiabaq aýmaǵynan jer telimin alyp qoldanýshylar kelisimshart mindettemelerin buzyp, aýmaqty turmystyq qaldyqpen lastaǵan jaǵdaida olarmen jasalǵan kelisimniń kúshi joiylady. Munyń bári jer telimin paidalanýshymen jasalǵan kelisimshartta aiqyn jazylǵan», - dedi Daniiar Turǵanbaev.
