Respondentterdiń Ulttyq halyq sanaǵynyń onlain múmkindikterine degen qyzyǵýshylyǵy joǵary. Oǵan shara bastalǵan sátten bergi kórsetkishter dálel. Eger alǵashqy eki aptanyń ishinde (1-15 qyrkúiek aralyǵy) saýalnamaǵa 3 mln. qazaqstandyq jaýap qatsa, 22 qyrkúiek kúni sanaqtan ótkender sany 5 mln-ǵa jetti. 28 qyrkúiekte kórsetkish 7 mln-nan asyp otyr. Osylaisha, halyq sanaǵyna qatysqan azamattardyń úlesi 37%-ti qurady.
Onlain sanaq yńǵailylyǵy men jyldam ótý múmkindigimen erekshelenedi. 11 qazan saǵat 10:00-degi jaǵdai boiynsha 7045196 respondent onlain sanaqtan ótti. Olardyń 6040911-i sanaq.gov.kz saitynda, 700972 adam Egov portalynda tirkelý arqyly jaýap berse, 303313 adam sanaqqa Aitu qosymshasy arqyly qatysty.
Onlain sanaqtan ótkender sany boiynsha Túrkistan oblysy alda. Munda 913074 turǵyn sanaqtan ótkeni jaily habarlama alǵan. Onlain sanaqtan ótken taǵy 746343 adam Almaty oblysynda tirkelgen. Úzdik úshtikti Shyǵys Qazaqstan oblysy túiindedi. Munda 707384 adam sanaq saýaldaryna jaýap berdi.
Bul kórsetkish boiynsha ázirge sońǵy eki oryndy Mańǵystaý jáne Soltústik Qazaqstan oblystary enshilep tur. Bul óńirlerde sáikesinshe 215464 jáne 165749 adam sanaqtan ótipti.
Al, jergilikti halyq sanyna shaqqandaǵy sanaqtan ótkenderdiń úlesi boiynsha Shyǵys Qazaqstan oblysy alda tur. Munda azamattardyń 52% saýaldarǵa jaýap bergen (1 tamyzdaǵy jaǵdai boiynsha óńirde 1361163 adam tirkelgen). Bul kórsetkish boiynsha Qyzylorda oblysy ekinshi orynda. Munda turǵyndardyń 51,1% búginge deiin sanaqtan onlain rejimde ótken (1 tamyzdaǵy jaǵdai boiynsha óńirde 823052 adam tirkelgen).
1 qazannan bastap interviýerler úilerdi jappai aralaýdy bastaǵan edi. 10 kúnniń qorytyndysy boiynsha oflain sanaqpen elimizdiń 1445204 turǵyny qamtylǵan.
Aita keteiik, onlain sanaqtan ótý múmkindigi aldaǵy 4 kún, iaǵni qazannyń 15-ine deiin qoljetimdi bolmaq. Onlain sanaqtan tek úide ǵana emes, el boiynsha ashylǵan 3 myńnan asa «sanaq buryshtarynda» ótýge bolady. Olar Halyqqa qyzmet kórsetý ortalyqtary, «Qazpochta» filialdary men saýda-oiyn saýyq ortalyqtarynda ornalasqan.
Onlain sanaqtan ótpegender 30 qazanǵa deiin interviýerlerdiń saýaldaryna jaýap bere alady. Barlyq saýaldar boiynsha 1446 bailanys ortalyǵyna habarlasýǵa bolady. Qońyraý shalý tegin.
