Ulttyq halyq sanaǵyna pedagogtar arnaiy jumyldyrylmaidy. Bul týraly Strategiialyq josparlaý jáne reformalar agenttigi Ulttyq statistika biýrosynyń basshysy Nurbolat Aidapkelov aitty, dep habarlaidy QazAqparat.
«Ulttyq halyq sanaǵyna tartylǵan 32 myń adamnyń eshqaisy da pedagog emes. Biz arnaiy pedagogtardy jumysqa tartýdy kózdegen joqpyz. Biraq, pedagog jumysynan bos bolsa nemese eńbek demalysynda júrse, onda ol halyq sanaǵyn ótkizýge qatysýǵa jáne sol úshin eńbekaqy alýǵa quqyly. Zańmen shekteý qoiylmaǵan. Jalpy, biýdjettik mekeme qyzmetkerlerin halyq sanaǵyna jumyldyrmaimyz», - dedi ol Ortalyq kommýnikatsiialar qyzmetindegi baspasóz máslihaty barysynda.
Onyń naqtylaýynsha, Ulttyq halyq sanaǵyn júrgizýge 32 300 adam jumyldyrylady. Olardyń árqaisysy 833 adamdy sanaqtan ótkizýi kerek bolady. Sol úshin olarǵa 109 myń teńge eńbekaqy tólenedi. Jalpy ulttyq halyq sanaǵyna bólingen qarajat 9,1 mlrd teńgeni quraidy. Bul qarajat 19 mln 51 myń adamǵa eseptelingen. 1 adamǵa 1,1 AQSh dollarynan ainalady.
