Halyq sanaǵy BUU Bas Assambleiasy jariialaǵan 2020 jylǵy halyq sanaǵy men turǵyn úi qorynyń Dúniejúzilik raýndy aiasynda ótkiziledi. 2021 jyly halyq sanaǵyn ótkizý álemniń 61 elinde josparlanǵan.
Bishkek qalasynda 2016 jylǵy 16 qyrkúiekte TMD memleketteri Basshylarynyń Keńesi 2020 jyldarǵa barynsha jaqyn merzimderde TMD-ǵa qatysýshy memleketterde kezekti halyq sanaǵyn ótkizý týraly sheshim qabyldady, dep habarlaidy "Ult aqparat" Ulttyq statistika biýrosynyń málimetterine silteme jasap.
Halyq sanaǵy ne úshin kerek ?
Aldaǵy halyq sanaǵynyń qundylyǵy onyń Qazaqstan Respýblikasynyń halqy boiynsha demografiialyq ahýaldy bilip qana qoimai, áleýmettik salanyń kóptegen aspektileri boiynsha ahýaldy boljaýǵa múmkindik beredi.
Halyq sanaǵynyń el úshin airyqsha mańyzdylyǵy, eń aldymen, jalpyǵa birdei qamtý men aýqymdy baǵdarlamanyń arqasynda – tutastai ǵana emes, onyń árbir ákimshilik-aýmaqtyq birliginiń halqy týraly ártúrli aqparattyń balamasyz kózi bolyp tabylatyndyǵymen aiqyndalady. Halyq sanaǵy eldiń ulttyq statistikalyq júiesiniń quramdas jáne ajyramas bóligi, halyq jáne onyń turǵyn úi jaǵdailary týraly derekterdiń negizgi kózi bolyp tabylady.
Halyq sanaǵynyń qorytyndylary elde sanaqaralyq kezeńde bolǵan ekonomikalyq, demografiialyq jáne áleýmettik ózgeristerdi kórsetedi. Halyq sanaǵy barysynda alynǵan statistikalyq derekter barlyq deńgeidegi biýdjetterdiń barynsha obektivti qalyptasýyna negiz bolady.
Ekonomika men biýdjettik baǵdarlamalardy josparlaý jáne damytý úshin qurylys pen turǵyn úidi bólý, demografiialyq jáne kóshi-qon protsesteri, bilim, densaýlyq saqtaý, áleýmettik sala jáne jumys oryndaryn qurý boiynsha baǵdarlamalardy damytýǵa járdemdesetin halyq sanaǵynyń aqparattyq derekteri qajet.
Halyq sanaǵy jumys oryndary, eńbek resýrstary týraly tolyq kórinisti, al biznes úshin túpkilikti tutynýshy týraly mańyzdy ári naqty kórinisti beredi. Ulttyq halyq sanaǵyna qatysatyn árbir azamat memlekettik áleýmettik baǵdarlamalardy josparlaý jáne ázirleýge aýqymdy jáne qundy úlesin qosady.
