Ulttyq biryńǵai testileý tolyǵymen elektrondy formatqa kóshiriledi. Bul týraly Úkimettiń keńeitilgen otyrysynda Premer-Ministr Asqar Mamin aitty, dep habarlaidy «Ult aqparat».
«Úkimet básekege qabiletti adami kapitaldy damytý boiynsha jumys isteidi. Ony halyqaralyq tájiribe negizinde balalardy erte damytý jónindegi ulttyq josparǵa engizedi. Mektepke deiingi bilim berýdiń jańa modelin engizý jáne qosymsha bilim berýdi jan basyna qarjylandyrý arqyly 3-6 jas aralyǵyndaǵy balalardy balabaqshamen qamtýdy 99 paiyzǵa jetkizýdi josparlap otyrmyz» - dedi Asqar Mamin.
Onyń atap ótýinshe, 400 jańa balabaqsha ashylady.
«Memlekettik-jekeshelik seriktestik aiasynda 180 mektep salý josparlanǵan. Ulttyq biryńǵai testileý tolyǵymen elektrondy formatqa kóshiriledi», - dedi Úkimet basshysy.
