Ulttyq bank Jeńistiń 75 jyldyǵyna arnalǵan kollektsiialyq monetalardy ainalymǵa shyǵarady, dep habarlaidy "Ult aqparat".
Ulttyq bank 2020 jylǵy 27 naýryzda nominaly 500 teńgelik kúmisten, nominaly 100 teńgelik MN25 melhior qospasynan jáne nominaly 100 teńgelik neizilber qospasynan «Este qalatyn oqiǵalar men birtýar adamdar» seriiasynan «JEŃISKE 75 JYL» kollektsiialyq monetalaryn ainalysqa shyǵarady .
QR jariialanǵan tótenshe jaǵdaiǵa bailanysty monetalardy satý keiinirek júzege asyrylady. Satý kúni týraly aqparat Qazaqstan Ulttyq bankiniń resmi saitynda qosymsha aqparat ornalastyrylatyn bolady.
«Jeńiske 75 jyl» monetalarynyń sipattamasy: Grafikalyq kompozitsiiasynyń negizinde soǵys ákelgen alapatty sipattaityn qabyrǵanyń bólingen jaryǵy aiasynda sovet jaýyngeriniń stildendirilgen beinesi bar.
Aldyńǵy jaǵynda máńgilik ottyń beinesi, onyń jalynynan jer betindegi beibitshilik úshin sovet jaýyngerleri ómirleriniń nyshany ispettes kógershinderdiń kókke samǵaǵan beinesi kórsetilgen.
Kompozitsiianyń oń bóliginde – qalampyr gúliniń stildendirilgen beinesi. Joǵary bóliginde – mereitoilyq datalardy bólip turǵan jáne jaýyngerdiń beinesin ustap turǵan bes qyrly juldyz beinelengen.
Monetanyń reversindegi jazý kirillitsada oryndalǵan, bul sol ýaqyttaǵy oqiǵalarmen tarihi bailanysty basa kórsetedi. Monetanyń dizainyna Qazaqstan Ulttyq Banki 1941-1945 jyldardaǵy Uly Otan soǵysyndaǵy Jeńistiń 75 jyldyǵyn merekeleý sheńberinde ótkizgen «JEŃIS MONETASYN JASA!» Jalpy respýblikalyq konkýrs jeńimpazdarynyń ideialary paidalanyldy.
«Qara proof» daiyndaý sapasymen kúmisten jasalǵan monetalar 925/1000 synamdy kúmisten, massasy 24 gramm, diametri 37 mm, nominaly 500 teńgelik, daiyndaý taralymy 2 000 (eki myń) dana daiyndaldy. MN25 melhior qospasynan, massasy 15 gramm, diametri 33 mm, «brilliant uncirculated» daiyndaý sapasymen, nominaly 100 teńgelik, daiyndaý taralymy 8 000 (segiz myń) dana daiyndaldy.
MNTs 15-20 neizilber qospasynan, massasy 11,17 gramm, diametri 31 mm, «brilliant uncirculated» daiyndaý sapasymen, nominaly 100 teńgelik, daiyndaý taralymy 100 000 (bir júz myń) dana daiyndaldy.
Monetalar kollektsiialyq quny boiynsha satýǵa arnalǵan.
Nominaly 500 teńgelik jáne 100 teńgelik kollektsiialyq monetalar tólemderdiń barlyq tólemderi boiynsha Qazaqstan Respýblikasynyń búkil aýmaǵynda olardyń belgilengen qunymen qabyldanýǵa, sondai-aq bank shottaryna esepke jazylýǵa jáne aýdarylýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Kúmisten daiyndalǵan monetalar kádesyilyq oramda shyǵarylady jáne Qazaqstan Ulttyq Bankiniń memlekettik, orys jáne aǵylshyn tilderinde nómirlik sapa sertifikatymen jabdyqtalǵan.
Melhior qospasynan daiyndalǵan monetalar arnaiy poligrafiialyq oramda shyǵarylady.
Kollektsiialyq monetalar «Qazaqstan Respýblikasy Ulttyq Bankiniń Qazaqstan teńge saraiy» sharýashylyq júrgizý quqyǵyndaǵy respýblikalyq memlekettik kásipornynda daiyndalǵan.
