21 sáýirden bastap «Qazaqstan» Ulttyq telearnasynda «Parasat maidany» atty jańa jobanyń tusaýy kesiledi.
Bul joba mádeniet, ǵylym, óner jáne ádebiet salalaryndaǵy bilikti mamandardyń pikirsaiysyn ortaǵa salmaq. Ár saladaǵy aǵa býyn men jas býyn ókilin stýdiiaǵa shaqyryp, bai tájiribe men qazirgi zaman jańashyldyǵyn salystyryp qyzý talqylaityn bolady. Sondai-aq, qazirgi qoǵamnyń damý baǵytyna, bolyp jatqan jańalyqtar men ózgeristerge rýhaniiat ókilderiniń tórelik aitý bedelin qalyptastyrý. Jan-jaqty bilimdi, álemniń úzdik tájiribesin igergen, jańa oilaý úrdisindegi azamattardyń tulǵalyq portetin nasihattaý.
Baǵdarlamany belgili jýrnalist Darhan Ábdik júrgizetin bolady. Ár habarǵa 2 keiipker qatysady. Júrgizýshi suraqtardy qonaqtardyń buryn-sońdy aityp júrgen batyl oilary, tyń pikirleri tóńireginde órbitedi. Ortaǵa salynǵan oi-pikirden kórermen óz izdegenin taýyp, suraqtaryna jaýap alady.
