Ekinshi dúniejúzilik soǵys kezinde Ýkrainany azat etý jolynda kúresken qazaqstandyq jaýyngerdiń denesi elge jetkizildi, dep habarlaidy QazAqparat.
Soǵystan qaza tapqan otandasymyzdyń súiegin týǵan jerge ákelýge uiytqy bolǵan elimizdiń Qorǵanys ministrligi. Jaýynger Óksikbai Bazarbaevtyń súiegi Qazaqstanǵa jetkizilgeni týraly da atalǵan vedomstvo habarlady.
«Ekinshi dúniejúzilik soǵysy kezinde sheiit bolǵan gvardiia leitenanty Óksikbai Bazarbaevtyń súiegi Qazaqstanǵa jetkizildi. Ofitser atqyshtar vzvodynyń komandiri bolyp, Ýkraninany azat etý jolynda qaza tapqan. 76 jyl ótken soń jaýyngerdiń súiegi áskeri rásimdi saqtai otyryp týǵan jerinde qaita jerlenedi», - dep aityldy ministrlikte ótken baspasóz máslihatynda.
Sondai-aq, brifingte elimizdegi rezervtegi áskeri qyzmet sharasy sóz boldy.
Óz kezeginde QR Qorǵanys ministrligi Uiymdastyrý-jumyldyrý jumystary departamentiniń ókili, podpolkovnik Beibit Súleimenov atalǵan áskeri sharanyń ne úshin uiymdastyrylatynyn aityp berdi.
Odan bólek, ministrlik ókili Qazaqstanda rezervtegi áskeri qyzmetkerlerge jalaqy tólene me degen suraqqa jaýap berdi.
