Ýkrainada barlyq mektepke jańa oqý jylynda sabaqty taza aýada ótkizý usynyldy. Bul týraly baspasóz brifingi kezinde jańa oqý jylynyń erekshelikterin túsindirgen Ýkraina bilim ministriniń mindetin ýaqytsha atqarýshy Sergei Shkarlet málim etti, dep habarlaidy Ýkrinform agenttigi.
Atap aitqanda, ol sabaqty taza aýada ótkizý – barlyq mektepterge berilgen keńes ekenin málimdedi. 1 qyrkúiekte dástúrli mektep jiyny ótkizilmeidi. Bul adamdardyń jinalýyna jol bermeidi. 1 qyrkúiekte mektep oqýshylary úshin pandemiia jaǵdaiyndaǵy ómir men bilim alý týraly sabaq ótkiziledi.
Eldiń bilim ministriniń aitýynsha, ár mektepke epidemiialyq qaýipsizdik erejelerin saqtaý: maska taǵý erejeleri, áleýmettik qashyqtyq, gigiena erejeleri, qyzmetkerlerdiń dene qyzýyn ólsheý týraly arnaiy sýretti aqparattyq material jiberildi.
Shkarlet oqýshylar men muǵalimderdi mektepke jetkizetin arnaiy kólikte erekshe erejeler saqtalýy tiis ekenin atap ótti: munda barlyq adam mindetti túre maska taǵyp, júrgizýshilerdiń dene qyzýy kún saiyn ólshenedi, kúnine eki ret dezinfektsiia jasalady, jolaýshylar sany otyratyn oryn sanynan aspaýy tiis.
BǴM basshysy mektep jeke qorǵanys quraldary men dezinfektsiialyq zattardy satyp alýǵa mindetti emes ekenin, al qorǵanys maskalaryn satyp almai, qoldan tigilgenin qoldanýǵa bolatynyn eske saldy.
Eger mektepte arnaiy quraldarmen jabdyqtaýda kemshilikter men problemalar týyndasa, ata-analar men muǵalimder ol týraly jergilikti bilik organdaryn aqparattandyrýǵa nemese bilim ministrliginiń jedel jelisine telefon soǵa alady.
