Resmi málimetke sáikes, jas jigit merzimdi áskeri qyzmetke 2021 jyly 25 qyrkúiekte Qyzylorda oblysynyń qorǵanys isteri jónindegi departamentimen shaqyrylǵan bolatyn. Al 27 qyrkúiekte áskeri boryshyn óteitin jerge barǵan. Oblystyq komissiia ony áskeri qyzmetke jaramdy dep tanydy.
"29 qyrkúiekte qalshyldaǵan ustama belgilerimen Úsharal qalasynyń aýdandyq aýrýhanasyna jetkizildi. 30 qyrkúiekten bastap Almaty qalasyndaǵy UQK gospitalinde dárigerlerdiń baqylaýynda. Áskeri-dárigerlik komissiia onyń áskeri qyzmetti ary qarai jalǵystarýyna qatysty sheshim qabyldaidy", - deidi komitet mamandary.
Al psihologtar jas sarbazdyń meditsinalyq tekseristen qalai ótkenine tańǵalyp otyr.
"Dárigerler ásker qataryna alynatyn jigitterdi irikteý kezinde tolyqqandy tekserýi shart. Eger aýytqý bolsa, sol jerde anyqtalady ǵoi, psihiatrdyń baqylaýy kerek edi. Bul jumys shalalyǵyn kórsetedi. Qazir Qazaqstanda kadr jetispeidi. Sonyń ishinde áskeri adamdar. Sondyqtan bolar, densaýlyǵy jarasa da, jaramasa da áskerge alyp ketýge tyrysady",- deidi psiholog Vladislav Smirnov.
