Ulttyq qaýipsizdik komiteti Pavlodar oblysy politsiia departamentiniń burynǵy basshysy Nurlan Másimovtiń ustalýynyń mán-jaiyn aitty, - dep habarlaidy "Ult aqparat" vedomstvonyń baspasóz qyzmetine silteme jasap.
"Resei Federatsiiasynyń arnaiy qyzmetiniń kómegimen Qazaqstan-Resei shekarasynyń shyǵys ýchaskesinde ótkizý pýnktterinen tys jerden zańsyz ótý áreketi kezinde QR jáne RF azamattarynan turatyn bir top adam ustaldy.
Olardyń arasynda bastapqyda ózi týraly jalǵan derekter bergen jáne izdeýde júrgen Pavlodar oblysy boiynsha politsiia departamentiniń eks-bastyǵy Nurlan Másimov anyqtaldy.
Kelisimder aiasynda Resei tarapy 13 shildede N.Másimovty UQK Shekara qyzmeti qyzmetkerlerine berdi. Qajetti tekserýler men suraq alý is-sharalarynan keiin quzyreti boiynsha izdestirýdiń bastamashysy bolǵan Sybailas jemqorlyqqa qarsy qyzmetke tapsyryldy" - delingen habarlamada.
Eske salaiyq, 2022 jyldyń qańtarynda Nurlan Másimov Pavlodar oblysy Politsiia departamentiniń bastyǵy qyzmetinen bosatylǵan edi. Ol bul departamentti 2019 jyldyń qarashasynan beri basqarǵan.
Sáýirde Másimovke izdeý jariialanǵany habarlandy. Al maýsymda Sybailas jemqorlyqqa qarsy qyzmet onyń júrgen jeri týraly aqparat bergenderge syiaqy jariialaǵan edi.
