Úkimet adam kóp jinalatyn saltanatty is-sharalardy ótkizýge nege ruqsat bergenin túsindirdi, - dep habarlaidy Tengrinews.kz agenttigi.
"Biz birqatar is-sharalardy ótkizýge ruqsat berdik, biraq qatań sharttarmen. Birinshiden, jiynǵa kelýshiler Ashyq-ta "Jasyl" mártebege ie bolýy kerek. Biz epidemiologiialyq jaǵdaidy eskere otyryp, birtindep "burynǵy" ómirge qaita oralýymyz kerek", - dedi Premer-Ministrdiń orynbasary Eraly Toǵjanov Úkimettegi brifingte.
Densaýlyq saqtaý ministri Aleksei Tsoi Qazaqstanda alty millionnan astam adam vaktsinatsiianyń tolyq kýrsynan ótkenin, immýndyq qabat qurylǵanyn aitty.
"Biz Qazaqstandaǵy epidemiologiialyq jaǵdaidyń jaqsaryp kele jatqanyn kórip otyrmyz. "R" koeffitsienti uzaq ýaqyt boiy tómen deńgeidi ustap tur. Sonymen qatar, ruqsat berýimizdiń basty sebebi - daǵdarys kezinde biznesti qoldaý. Qazir barlyq biznes nysandarynyń jumysy rettelgen, uiymdardyń ishinde sanitarlyq-epidemiologiialyq baqylaý, qashyqtyq jáne basqa da karantindik sharalarǵa bailanysty naqty talaptar bar. Bul ádis biznes nysandaryn iske qosýǵa, jeke ujymdardy da, kelýshilerdi de qaýipsizdendire otyryp, pandemiiaǵa qarsy jumys isteýge múmkindik berdi", - dedi Tsoi.
