Búgin Qazaqstan Respýblikasy Premer-Ministriniń orynbasary Gúlshara Ábdiqalyqova bastaǵan Úkimet músheleri Mańǵystaý oblysyna keldi, dep habarlaidy QazAqparat.
Úkimet músheleri aldymen Jańaózen qalasyna kelip, oblys aktivimen jáne turǵyndarmen kezdesti.
«Batys óńirin aralap kele jatyrmyz. Elbasy áleýmettik salany damytý maqsatynda birqatar tapsyrma berdi. Bul baǵytta 2,3 trln teńge qarajat bólindi. Bizdiń maqsatymyz - xalyqqa túsindirý jumystaryn júrgizý. Osyǵan deiin turǵyndarmen kezdesip, tildestik. «Nur Otan» partiiasymen, jergilikti belsendi azamattar birge jumys jasaimyz dep senemin», - dedi Gúlshara Ábdiqalyqova.
Jiynda tabysy tómen otbasylarǵa kómek kórsetý, az qamtylǵan azamattar úshin turǵyn úi máselesin sheshý, bilim berý men densaýlyqty jaqsartý taqyryptary qozǵaldy. Sondai-aq, jan-jaqty kómek kórsetýdi qamtityn «Nur Otan» partiiasynyń XVIII sezinde aitylǵan Memleket basshysynyń tapsyrmalaryn oryndaýdyń negizgi baǵyttary aityldy.
Bul topta Eńbek jáne halyqty áleýmettik qorǵaý ministri Berdibek Saparbaev, Bilim jáne ǵylym ministri Kúlásh Shámshidinova, Densaýlyq saqtaý ministri Eljan Birtanov, Qurylys jáne turǵyn úi-kommýnaldyq sharýashylyq komitetiniń tóraǵasy Marhabat Jaiymbetov, Orman jáne janýarlar álemi komitetiniń tóraǵasy Kair Ryskeldinov bar.
100-ge tarta az qamtylǵan otbasylar men kópbalaly analar óz máselelerin kóterdi.
Gúlshara Ábdiqalyqova xalyqtyń pikiri eskerilip, ótinishterdiń qaralatynyn jetkizdi. Sondai-aq, oblys basshylyǵyna tapsyrma júktedi.
