QR Premer-Ministri Asqar Mamin Úkimet otyrysynda koronaviýrsqa qarsy qaita vaktsinalaý sharalary boiynsha tapsyrmalar berdi, dep habarlaidy QazAqparat.
«Korornavirýs infektsiiasynan qorǵanýdyń mańyzdy tásili vaktsinalaý. Sondyqtan onyń qarqynyn odan ári ulǵaitý kerek. Búginde birinshi komponentti 8,7 mln adam saldyrdy. Bul – 18 jastan asqan turǵyndardyń 76 paiyzy. Ekinshi komponentti shamamen segiz million adam aldy. Bul vaktsina alýǵa jatatyn halyqtyń 70 paiyzyna jýyq», - dedi Úkimet basshysy.
Onyń aitýynsha, tumaýǵa qarsy vaktsinalaý deńgeii qajetti kontingenttiń 99 paiyzynan asqan.
«Keshe óńirlerdiń bárinde koronavirýs boiynsha qaita vaktsinatsiialaý bastaldy. Ol úshin vaktsina qory jetkilikti. Vaktsinalardy saqtaý men tasymaldaý rejimin saqtaý asa mańyzdy. Ákimderge atalǵan máselelerdi jeke baqylaýda ustaýdy tapsyramyn. Eraly Luqpanuly (QR Úkimet basshysynyń orynbasary – Eraly Toǵjanov – avt.) jalpy baqylaý ózińizde», - dedi Asqar Mamin oǵan qarata aitqan sózinde.
Sondai-aq jiynda Úkimet basshysy shekara mańyndaǵy óńirlerde epidemiologiialyq ahýaldy turaqty baqylaýda ustaýdy tapsyrdy.
