Qytaidaǵy Ýhan qalasynyń barlyq turǵyny PTR-synama tapsyrady. Bul sheshimdi bilik ókilderi qalada koronavirýs infektsiiasynyń birneshe jaǵdaiy anyqtalǵannan keiin qabyldaǵan, - dep habarlaidy Tengrinews.kz tilshisi Reuters-ke silteme jasap.
Bir kún buryn Ýhanda COVID-19 infektsiiasynyń jeti jaǵdaiy 2020 jyldan beri alǵash ret anyqtaldy. 12 million halqy bar qalada 2019 jyly alǵash ret koronavirýs juqtyrý deregi anyqtalǵan.
"Qala turǵyndarynyń qaýipsizdigi úshin barlyq adamnan COVID-19 boiynsha jalpy qalalyq synama alý bastalady. Biz ony tezirek aiaqtaýdy josparlap otyrmyz jáne múmkindiginshe tezirek áreket etemiz, - dedi Hýbei provintsiiasynyń ortalyq qyzmetkeri Li Tsian.
Qazirgi ýaqytta Qytaida eń aýqymdy indet baiqalady: 10 kúnde 300 jaǵdai anyqtalǵan. Búkil el boiynsha shamamen 15 provintsiia zardap shekti, bul úkimetti jappai synama alý sharalaryn qabyldaýǵa jáne shekteýler engizýge májbúr etken.
Bilik virýstyń taralýy tirkelgen qala aimaǵyna lokdaýn engizdi. Keibir metro stantsiialary jabylyp, jolaýshylar qaitadan betperde taǵýdy bastaǵan.
Jergilikti meditsina qyzmetkerleri virýstyń taralýyn Úndistannyń óte juqpaly "delta" shtamymen jáne ishki týrizm maýsymymen bailanystyrady.
Agenttik Qytai óz shekaralarynda virýsty aitarlyqtai sátti basqara alǵanyn atap ótti. Alaida Nankindegi áýejai qyzmetkerleri arasynda virýstyń taralýy alańdaýshylyq týdyryp otyr. Bilik Nankinniń 9,2 million turǵynyn úsh ret tekserip, júzdegen myń adamǵa oqshaýlaý rejimin engizdi.
Buǵan deiin qytailyq BAQ bul Ýhandaǵy pandemiia bastalǵannan keiingi COVID-19-dyń eń aýqymdy órshýi ekenin jazǵan bolatyn.
