«Qarajorǵa» bilep tanymal bolǵan Qytaidaǵy qazaq dárigeri Bahargúl Tolqyn úiine oraldy. Qandasymyz - sol ólkedegi Shyńjańnyń týmasy. Bul týraly Qazaqstan arnasy habarlady.
Hirýg-dáriger eki ai boiy, eń qaýipti oshaq Ýhanda bolyp, naýqastardy emdeýge kómektesti. Bilikti maman qaterli dertpen kúrese júrip ádemi biimen emdelýshilerdiń kóńilin kótergen edi.
Bahargúldiń otbasyn kórmegenine 3 aiǵa jýyqtaǵan. Ata-anasyn, joldasyn, ásirese ulyn qatty saǵynǵanyn aitady. Indetti jeńip, úiine aman-esen oralǵan sáti keń dastarhan basynda jalǵasty. Baýyrsaq, qurt, qazy-qarta, shujyq. Qandastarymyz jyraqta júrse de, qazaqtyń dástúrin umyt qaldyrmaǵan.
«Ýhan halqyna kóńil bólýin bildirttim. Ózim qazaq bolǵannan keiin, halyq bii qarajorǵany sol jerde bilep berdim. Ýhan halqy ishinde jatqan naýqastar sondai jaqsy kórdi. Sizder ózderińizdi ózderińiz jigerlenip osyndai kóńil kúide bolsańyz, aýrýdy jeńesiz degen oida boldym» - deidi Bahargúl Tolqyn.
Dárigerdiń biliktiligi men meiirimdiliginiń arqasynda qanshama naýqas aiaqtan turdy.
«Qazaqstan halqyna aitatynym birinshisi úiden shyqpaý, ekinshisi úiden shyqqasyn mask taǵý. Úshinshiden ózińizdi ózińiz jaqsy ustap, kóńil kúi jaqtan taimaý kerek, tórtinshisi kóptegen etti jep, sútti iship, airan iship, jaqsy tamaqtardan jep deneniń aýqatyn jaqsy qylý. Biz sizder myna kúrdeli virýstan tezirek jeńýine tilektespin», - deidi B.Tolqyn.
