UFC alańynda alǵash ret qazaqstandyq sportshy qyz óner kórsetti. Mariia Agapova UFC on ESPN 10 týrnirinde jeńiske jetti, dep habarlaidy "Ult aqparat".
Ol búgin tańerteń Amerikanyń Las-Vegas qalasynda kórermensiz ótken UFC on ESPN 10 týrnirinde amerikalyq Hanna Saiferspen jekpe-jek ótkizdi.
23 jastaǵy qazaqstandyq sportshy úsh minýttyń ishinde qarsylasynan basym tústi. Bul onyń sporttyq jolyndaǵy toǵyzynshy jáne UFC alańyndaǵy birinshi jeńisi boldy. Al Saifers osymen altynshy ret jeńiliske ushyraǵan.
Eske sala keteiik, aralas jekpe-jekten álem chempiony, qazaqstandyq Mariia Agapovanyń MMA boiynsha eń iri promoýshn - Ultimate Fighting Championship (UFC) uiymymen kelisimshartqa otyrǵanyn jazǵan bolatynbyz.
