Bilim jáne ǵylym ministri Ashat Aimaǵambetov Ulttyq biryńǵai testileý ýaqyty buryn bekitilgen merzimde ótetinin aitty, dep habarlaidy "Ult aqparat".
Ministr áleýmettik jelilerdegi resmi paraqshalar arqyly tikelei efirde ata-analardyń, ustazdar men mektep direktorlarynyń suraqtaryna jaýap beredi.
«Ulttyq biryńǵai testileý degen - bizdiń árbir túlegimiz úshin mańyzdy qadam. Qazirgi osy jaǵdaida tiisti kómek berýimiz kerek. Sáikesinshe, Ulttyq testileý ortalyǵyna tiisti tapsyrmany júktegen bolatynbyz. Qazirgi kezde bul tapsyrma iske asyrylýda», - dedi ministr.
Osy oraida Ulttyq testileý ortalyǵynyń saitynda balalar aqysyz UBT-ǵa daiyndalady.
«Qazir UBT-nyń merzimin ózgertýge eshqandai negiz joq. Bizdiń kórshiles elderdiń emtihandary mamyr aiynda bolsa, olar synaqty maýsymnyń basyna aýystyrdy. Biraq bizdiki mamyr aiynyń aiaǵynda emes, maýsymnyń aiynyń aiaǵynda, iaǵni shildege qarai. Ol ýaqytqa deiin bul jaǵdai tynyshtalyp, dástúrli rejimge keletin bolsaq, UBT-ny burynǵydai ótkizemiz dep úmittenemiz», - dedi Ashat Aimaǵambetov.
Sonymen qatar, ministr toǵyzynshy synypty bitirip, kolledjge baratyndarǵa qatysty merzimder ózgeriske ushyramaǵanyn aitty.
«Tórtinshi toqsatyndy aiaqtap, ary qarai oqýyn jalǵastyrýǵa múmkindikteri bolady», - dedi vedomstvo basshysy.
