Ulttyq biryńǵai testileý qorytyndysyn tekserý qysqa deiin sozylady. Bul týraly Oqý-aǵartý ministri Ashat Aimaǵambetov aitty, dep habarlaidy QazAqparat.
«Balalar Ulttyq biryńǵai testileýdi tapsyryp bolǵannan keiin de tiisti tekseris júrgiziledi. Ol tekseris qysqa deiin sozylady. Keibireýler grant taratylǵanda ony jeńip alǵanymen videolardy, balldaryn qaraǵan kezde ártúrli aýytqý tabylsa, onda grant joiylady», - dedi Ashat Aimaǵambetov ministrliktiń apparat jinalysynda.
Onyń atap ótýinshe, talapkerdiń qańtarda, naýryzda, mamyrda tapsyrǵan UBT qorytyndysy tekseriledi.
«Tekserý barysynda aýytqý 20, 30 balldan kóp bolsa, bizde kúdik paida bolady. Biz ol balalardyń videolaryn bólek tolyǵymen qaraimyz. Ulttyq testileý ortalyǵy osyndai úlken jumys júrgizip jatyr. Eger kúndeliktegi matematikadan baǵasy tómen bolsa, al UBT-da joǵary ball alsa, onda qaraimyz. Múmkin shyn máninde jaqsy daiyndalǵan shyǵar. Alaida, bizde kúdik paida bolady jáne videosyn qaraimyz», - dedi ministr.
