Bilim jáne ǵylym ministri Ashat Aimaǵambetov aqyly ulttyq biryńǵai testileýdiń keiinge shegerilgenin málimdedi, dep habarlaidy "Ult aqparat".
"Búginde ulttyq biryńǵai testileý jylyna tórt ret ótkiziledi. Kezekti aqyly UBT naýryzdyń sońynda ótkiziledi degen jospar bolǵan. Biz osy testi keiinge qaldyrdyq. Al jazǵy UBT shegerile me, joq pa, oǵan deiin áli ýaqyt bar. Bári epidemiologiialyq jaǵdaiǵa bailanysty bolady. Jaqyndaǵanda naqty sheshim shyǵaramyz", - dedi Aimaǵambetov arnaiy baspasóz máslihatynda.
Aita keteiik, búgin Qazaqstan Prezidenti Qasym-Jomart Toqaev áleýmettik jelidegi paraqshasy arqyly qoǵamdyq sharalardyń ýaqytsha toqtatylatynyn málimdedi. Osyǵan bailanysty koronavirýstyń taralýyna jol bermeý jónindegi vedomstvoaralyq komissiia qosymsha sharalardy ázirledi. 13 naýryzdan bastap buqaralyq is-sharalarǵa, sonyń ishinde merekelik, sporttyq, mádeni-kópshilik sharalar, konferentsiialar, seminarlar men kórmelerdi ótkizýge tyiym salynady.
Budan bólek, barlyq qoǵamdyq uiym arnaiy rejimge kóshetdi. Jalpy, mynadai sharalar qarastyrylǵan:
-
Densaýlyq saqtaý uiymdary, qoǵamdyq kópshilik oryndary, bilim berý uiymdary, halyqqa qyzmet kórsetý ortalyqtary, qommýnaldyq sharýashylyq, tamaq ónerkásibi oryndary, bazarlar, qonaq úiler, áýejailar men vokzaldarda kúsheitilgen sanitarlyq-dezinfektsiialyq rejim engizý;
-
Qarttar men múmkindigi shekteýli adamdarǵa arnalǵan meditsinalyq-áleýmettik nysandarǵa, áleýmettik ońaltý ortalyqtaryna, múgedek balalarǵa arnalǵan oqý oryndaryna barýǵa shekteý qoiý;
-
Kanikýl kezinde oqýshylardyń óńirden tys jerlerge ekskýrsiia jasaýyna tyiym salý;
-
Qoǵamdyq kólikti jýý men dezinfektsiialaý, orta bilim berý uiymdarynyń 2020 jyldyń 16 naýryzy men bastap 5 sáýiri aralyǵynda kanikýlǵa shyǵýyn qamtamasyz etý;
-
16 naýryzdan bastap kolledj ben joǵary oqý oryndaryn qashyqtyqtan oqytýǵa, onyń ishinde bilimdi baǵalaýdyń barlyq túrin qashyqtyqtan júrgizýge aýystyrý;
-
1"a", 1"b", ekinshi jáne úshinshi sanattaǵy elderge halyqaralyq sport, mádeni, týristik sharalarǵa tyiym salý siiaqty ýaqytsha shekteý engizý.
