Shyńǵys Sairanuly Árinov Almaty oblysynyń ákimi bolyp taǵaiyndaldy. Bul týraly Aqordanyń resmi paraqshasy habarlady, dep habarlaidy ult.kz.
«Memleket basshysynyń Jarlyǵymen Shyńǵys Sairanuly Árinov Almaty oblysynyń ákimi laýazymyna taǵaiyndaldy», – delingen habarlamada.
Shyńǵys Árinov 1983 jyly týǵan. 2006-2022 jyldary Qazaqstan Respýblikasy Memlekettik kúzet qyzmetinde túrli ofitserlik jáne basshylyq qyzmetter atqarǵan.
2022 jyly QR Prezidentiniń ókimimen Memlekettik kúzet qyzmeti bastyǵynyń orynbasary – Prezident kúzet qyzmetiniń bastyǵy bolyp taǵaiyndaldy.
2024 jylǵy 6 aqpanda Qazaqstan Respýblikasynyń Tótenshe jaǵdailar ministri qyzmetine kiristi.
2026 jylǵy 4 qyrkúiekte Memleket basshysynyń Jarlyǵymen Almaty oblysynyń ákimi bolyp taǵaiyndaldy.
Shyńǵys Árinov II jáne III dárejeli «Elbasynyń qaýipsizdigin aibyndy atqarǵany úshin» medaldarymen, «Qazaqstan Respýblikasy Memlekettik kúzet qyzmetine 25 jyl», «Qazaqstan Táýelsizdigine 30 jyl» mereitoilyq medaldarymen jáne QR Prezidentiniń atynan berilgen alǵys hattarmen marapattalǵan.
Buǵan deiin Almaty oblysynyń ákimi Marat Sultanǵaziev qyzmetinen bosatylǵan edi.
