QR Eńbek jáne halyqty áleýmettik qorǵaý ministrligi tótenshe jaǵdai kezinde tabysynan aiyrylý jaǵdailaryna bailanysty Memlekettik áleýmettik saqtandyrý qorynan jańa áleýmettik tólem taǵaiyndalatyn azamattardyń tizimin keńeitti jáne ony taǵaiyndaý sharttary jeńildetildi. Bul týraly "Ult aqparat" coronavirus2020.kz saityna silteme jasap habarlaidy.
Tólem alýshylar sheńberi keńeitildi
Bastapqyda bir adamǵa aiyna 42,5 myń teńgeni (eń tómengi jalaqy) quraityn áleýmettik tólem azamattardyń kelesi sanattaryna tólenýi kerek edi:
- orta, shaǵyn jáne mikrobiznes sýbektileriniń qyzmetkerleri;
- jeke kásipkerler (budan ári – JK);
- jeke praktikamen ainalysatyn adamdar (notariýs, jeke sot oryndaýshysy, advokat, kásibi mediator) (budan ári – JP);
- biryńǵai jiyntyq tólemdi tóleýshiler (budan ári – BJT).
Endi olarǵa:
- azamattyq-quqyqtyq kelisimsharttar boiynsha kiris alatyn adamdar (budan ári - AQK), máni jumystardy oryndaý bolyp tabylatyn (qyzmetter kórsetý), salyq agentterine mindetti zeinetaqy jarnalary tólengen azamattar kiredi.
- karantin engizilgen eldi mekenderdegi iri biznes sýbektileriniń qyzmetkerleri.
