Ázilkesh Tursynbek Qabatovtyń qazirgi jary Aiman Talǵatqyzy óner iesiniń balalarynyń qýanyshyna arnalǵan toiǵa qatysty áleýmettik jelide taraǵan pikirlerge jaýap berdi, dep habarlaidy ult.kz.
Jýyrda Tursynbek Qabatovtyń burynǵy jary Móldir Muqanova uiymdastyrǵan saltanatty shara áleýmettik jelide keńinen talqylandy. Keibir jeli qoldanýshylary ázilkeshtiń toiǵa qatyspaýyna onyń qazirgi jubaiyn sebepker dep boljaǵan.
Osyǵan bailanysty oqyrmandardyń biri Aiman Talǵatqyzynan Tursynbek Qabatovty toiǵa nelikten jibermegenin surap, bul sheshimge tańdanysyn bildirgen.
Alaida Aiman Talǵatqyzy mundai pikirlerdiń shyndyqqa janaspaitynyn aitty. Onyń sózinshe, ol bul máselege aralaspaǵan jáne kúieýiniń sheshimine yqpal etpegen.
«Osy bir jerde men toiǵa jibermedim dep aityp jatyr ma? Meniń olarda ne sharýam bar? "Barsam bola ma?" dep surap turǵan erkek te joq. Kishkene miǵa qonymdy áńgime aitsańdarshy», – dep jazdy ol.
Ázirge Tursynbek Qabatovtyń ózi balalarynyń toiyna ne sebepti qatyspaǵany týraly kópshilik aldynda túsinikteme bergen joq.
