QR Ishki ister ministrliginiń resmi ókili Nurdildá Oraz koronavirýs infektsiianyń taralýyna jol bermeý jóninde vedomstvo basshylary qatysqan keńes týraly aityp berdi, dep habarlaidy QazAqparat.
«Ótken aptada Ishki iter mininstrliginde Memleket basshysynyń koronavirýstyq infektsiianyń taralýyna jol bermeý jónindegi tapsyrmalaryn oryndaý boiynsha jumys keńesi ótti. Is-sharaǵa UQK, Bas prokýratýra, Sybailas jemqorlyqqa qarsy is-qimyl agenttigi, Densaýlyq saqtaý ministrligi, Aqparat jáne qoǵamdyq damý ministrligi basshylyǵy, sondai-aq QR IIM janyndaǵy vedomstvoaralyq arnaiy toptyń músheleri qatysty. Jiyn barysynda Erlan Turǵymbaev jalǵan meditsinalyq qujattardy usynýdyń tutas shemalary anyqtalǵanyn habarlady», - dedi N. Oraz onlain brifingide.
Osy oraida keibir týroperatorlar jalǵan vaktsinatsiia pasporttaryn shyǵarýmen jáne satýmen ainalysqan. Sonymen qatar, olardy temirjol vokzaldarynda, áýejailarda jáne memlekettik shekaranyń ótkizý pýnktterinde satý faktileriniń joly kesildi
«Vedomstvo basshysy el Prezidenti IIM janynan vedomstvoaralyq arnaiy top qurýdy tapsyrǵanyn eske saldy. Top jalǵan vaktsinatsiia pasporttaryn jáne PTR-testileý nátijelerin qoldan jasaý ári satý faktileriniń jolyn kesý jónindegi jumysty úilestiretin bolady. Osyǵan bailanysty, aqparatty jinaý jáne óńdeý, sondai-aq anyqtalǵan faktilerge den qoiý sharalary boiynsha ózara is-qimyl tártibi aiqyndalǵan», - dedi resmi ókil.
