Sarapshylar tolyq komponentti alý barysynda birneshe vaktsinany aralastyrý múmkindigine qatysty suraqqa jaýap berdi, dep habarlaidy QazAqparat.
QR DSM Ulttyq Ftiziopýlmonologiia ǵylymi ortalyǵy direktorynyń klinikalyq jáne ǵylymi jumystar jónindegi orynbasary Lázzat Eralieva vaktsinalardy almastyryp egýdiń negizi joq ekenin aitty.
«Antidenelerdiń qalypty deńgeii qalyptasýy úshin tek bir vaktsinanyń tolyq komponentin saldyrý kerek. Sebebi QazVac pen «Spýtnik V» vaktsinasyna toqtalsaq, olar tehnologiiasy boiynsha múldem ózgeshe ekpeler. Sondyqtan bir vaktsinanyń tolyq kýrsyn aiaqtamai, basqa preparatty saldyrsaq, odan eshqandai paida bolmaidy», - dedi L. Eraliev Ortalyq kommýnikatsiialar qyzmetinde.
Óz kezeginde QR Densaýlyq saqtaý ministrliginiń Dárilik zattar men meditsinalyq baǵyttaǵy buiymdardy saraptaý ulttyq ortalyǵynyń sarapshysy Aleksandr Gýliaev atalǵan pikirmen tolyq kelisetinin aitty.
«Shynymen de olar ártúrli vaktsinalar bolyp sanalady. Bul turǵyda olardy qosarlap alý múmkin emes jáne mundai tásilder qarastyrylmaǵan. Osy oraida vaktsinalaý protsesinde ekpelerdi almastyrýǵa jol bermeý kerek», - dedi Gýliaev.
