Túrkiianyń memlekettik arnasy TRT-niń túsirilim toby Qazaqstanǵa keldi, dep habarlaidy QazAqparat.
TRT men Iýnýs Emrs institýty arasynda qol qoiylǵan yntymaqtastyq aiasynda túsirilim toby óz jumystaryn bastap ketti. Nur Sultan Iýnýs Emre institýtynyń kýrstarynda túrik tilin úirenip jatqan oqýshylar elordany Túrkiialyq kórermenderge túrikshe tanystyratyn bolady.
Jalpy «Qalama qosh keldińiz» atty joba 13 bólimnen turady. Budan buryn Evropanyń iri qalalary London, Rim, Parij, Amsterdam, Býdapesht, sondai –aq Moskvada túsirilim jumystary júrgizildi. Atalǵan baǵdarlamanyń segizinshi bólimi tolyqtai Nur Sultan qalasyna arnalǵan.
Iýnýs Emre ortalyǵynda oqityn 2 qazaqstandyq oqýshy qalanyń kórikti jerlerine baryp qysqasha tarihyn baiandap kórermenderge tanystyrady. TRT toby Báiterek monýmenti, Beibitshilik jáne kelisim saraiy, Han shatyr oiyn saýyq jáne saýda ortalyǵy, Qazaqstan Ulttyq mýzeii, Qoljazbalar jáne sirek kitaptar ulttyq ortalyǵy, Áziret Sultan meshiti, Atyraý kópiri, EKSPO -2017 kesheni men Qazaq eli monýmenti siiaqty Elordanyń eń tanymal oryndaryn túsiredi.
Qazaqtyń ulttyq aspaptary dombyra men saz syrnai tartatyn ónerpazdar túrik kórermenderge óz ónerlerin pash etedi. Sondai –aq júrgizýshiler qazaq ulttyq taǵamdaryn ázirleitin elordadaǵy restorandarda taǵamdardyń dámin tatyp, qazaq ashanasy týraly túrik kórermenge málimetter usynatyn bolady.
Prodiýser-rejisser Parlaian Iyldyz, operatorlar Mevliýt Dóner men Selchýk Karacham daiyndaityn baǵdarlama TRT arnalarynda kórermenderge jol tartady.
