Túrkiianyń Qara teńiz jaǵalaýynda ornalasqan Kastamon jáne Sinop provintsiialarynda bolǵan sý tasqynynan kóz jumǵan adamdar sany 38-ge jetti. Bul týraly Túrkiianyń densaýlyq saqtaý ministri Fahrettin Kodja aitty, dep habarlaidy QazAqparat Anadoly agenttigine silteme jasap.
«Kastamonda sý tasqynynan 32 adam kóz jumdy. Taǵy 228 zardap shegip, onyń 12-si aýyrýhanaǵa jatqyzyldy», - dedi Kodja.
Ministrdiń sózine qaraǵanda, Sinop provintsiiasynda da tabiǵi apat alty adamnyń ómirin qiǵan jáne 56 turǵyn zardap shekti.
Eske salsaq, buǵan deiin Túrkiianyń soltústigindegi Kastamoný provintsiiasynda sý tasqyny saldarynan 25 adam qaza tapqany týraly habarlaǵan bolatynbyz.
Sý tasqyny 11 tamyzda Sinop, Bartyn, Karabiýk jáne Kastamoný provintsiialarynda boldy. Túrkiianyń soltústik provintsiiasy Bartynda kópir qiraǵan.
