Túrkiianyń soltústigindegi Kastamoný provintsiiasynda sý tasqyny saldarynan 25 adam qaza tapty, kórshiles Sinop provintsiiasynda eki adam mert boldy. Bartynda iz-túzsiz joǵalǵan bir adam izdestirilip jatyr, dep habarlaidy Anadoly agenttigi.
Bul týraly Tótenshe jaǵdailar saldarynyń aldyn alý jáne joiý basqarmasy (AFAD) málimdedi.
Barlyq tiisti mekemeler, ujymdar men kólik quraldary evakýatsiialyq, izdestirý-qutqarý jumystaryna jumyldyrylǵan.
Bartynda elektr berý tolyǵymen qalpyna keltirildi, al Kastamonýda 112, Sinopta 86 aýyl áli kúnge deiin jaryqsyz qalyp otyr.
Kastamoný, Bartyn men Sinopta 833 adam psihologiialyq jáne áleýmettik kómek alýda.
AFAD derekterine sai, Bartynda 232, Kastamonýda 925, al Sinopta 472 adam evakýatsiialanǵan.
