Búgin Túrkiiada (Ystanbul qalasy) Qazaqstan Táýelsizdiginiń 30 jyldyǵyna orai «Jahandaný órkenietindegi qazaq álemi» taqyrybynda Qazaqtardyń kishi quryltaiy ótti.
Kishi Quryltaidy QR Aqparat jáne qoǵamdyq damý minnistrliginiń qoldaýymen «Otandastar qory» Dúniejúzi qazaqtary qaýymdastyǵymen birlesip uiymdastyrdy, dep habarlaidy QazAqparat.
Qazaqtardyń kishi quryltaiynyń jumysyna Túrkiia men Eýropa elderindegi qazaq qaýymdarynyń, Qazaqstannyń mádeniet mekemeleri men joǵary oqý oryndarynyń 100-den astam ókilderi qatysty.
Shara jumysynyń aiasynda sheteldegi qazaq diasporalarynyń ózekti máseleleri boiynsha nátijeli pikir almasý boldy.
Aita ketý kerek, Kishi quryltaidyń baǵdarlamasy kóptegen mádeni-aǵartý is-sharalaryn qamtydy.
Ystanbul qalasynyń Baǵdyljar aýdanynda belgili sportshy Mustafa Óztúrik atyndaǵy saiabaqtyń ashylý saltanaty ótti.
Kishi quryltaiǵa qatysýshylar úshin qazaqstandyq mýzeiler men joǵary oqý oryndary «Altyn tamyrly Atajurt» kórme, sondai-aq Túrkiiadaǵy qazaq diasporasynyń jastary úshin «Bilim kórmesiniń» tusaýkeseri uiymdastyryldy.
Sonymen qatar, sheteldik isker qazaq qaýymdastyǵymen kezdesý barysynda «Alystaǵy aǵaiyn» derekti filmi kórsetildi.
Kazaqtardyń kishi quryltaiy is-sharalar baǵdarlamasy aiasynda Qaraǵandy oblysynan kelgen Táttimbet Qazanǵapuly atyndaǵy Akademiialyq qazaq halyq aspaptar orkestriniń qatysýymen gala-kontsert uiymdastyryldy.
Is-sharanyń qorytyndysy boiynsha qazaqstandyq tarap Kishi quryltaiǵa qatysýshylarǵa Qazaq eliniń mádenieti, tarihy, Qazaqstandaǵy qazirgi ómir týraly ádebietterdi syiǵa tartty.
