Foto:starhit.ru
Túrkiianyń Qazaqstandaǵy Tótenshe jáne Ókiletti Elshisi Ýfýk Ekidji sheteldikter jer silkinisi saldarynan jetim qalǵan Túrkiia balalaryn asyrap ala ala ma degen suraqqa jaýap berdi, - dep habarlaidy Massaget.kz portaly.
Túrkiianyń Astanadaǵy elshiliginde ótken baspasóz máslihatynda Ýfýk Ekidji qazir elde 1858 bala patronattyq baqylaýda ekenin, olardyń 200-iniń áli jeke basy anyqtalmaǵanyn aitty.
"Jer silkinisi kezinde jetim qalǵan balalar qazir memlekettiń baqylaýynda. Bul balalardyń jeke basyn anyqtaý jáne qujattaryn qalpyna keltirý jumystary júrgizilip jatyr. Olarǵa psihologiialyq kómek kórsetiledi. Bul balalar basqa elderge asyrap alýǵa jiberilmeidi. Olar Túrkiiadaǵy týystarynyń otbasylaryna ornalastyrylady", - dedi elshi.
