Túrkiiada koronavirýs infektsiiasynyń taralýyna qarsy aldyn alý sharalary kezeń-kezeńimen qabyldanýda. Bul týraly prezident Rejep Taiyp Erdoǵannyń otandastaryna jasaǵan teleúndeýinde aitty, dep habarlaidy Anadoly agenttigi.
Memleket basshysy Túrkiia biligi halyqqa meditsinalyq maskany tegin taratýǵa kiriskenin, al olardyń aqshaǵa satylýyna tyiym salynǵanyn habarlady.
Erdoǵannyń aitýynsha, Túrkiianyń densaýlyq saqtaý júiesi kún saiyn 20 myńnan astam koronavirýs infektsiiasyna test júrgize otyryp, «mańyzdy kezeńnen» ótken.
Budan bólek, Erdoǵan Ystanbul áýejaiy aýdanynda infektsiia taralmas úshin 1000 tósek-oryndyq taǵy eki aýrýhana bolatynyn málimdedi.
Túrkiia basshysy el úkimeti COVID-19 pandemiiasy aiasynda taǵy 2,3 million otbasyna kómek kórsetý josparyn daiyndap jatqanyn aityp ótti.
Ol ótken aptada bastalǵan Ulttyq yntymaqtastyq naýqany kezinde qaiyrymdylyqqa 1,5 milliard túrik lirasy jinalǵanyn aitty.
