© AP Photo / Bernat Armangue
Túrkiianyń Gaziantep qalasynda qutqarýshylar úiindilerdiń astynan shamamen 2 million dollar taýyp, politsiiaǵa tapsyrdy, dep habarlady Sputnik Qazaqstan portaly Anadolu agenttigine silteme jasap.
Qutqarýshylar qomaqty aqshany Ayşe-Mehmet Polat turǵyn úi kesheninen er adamnyń denesin alyp shyqqanda tapqan.
"Er adamnyń janynda barlyǵy 2 million dollar boldy, qutqarýshylar politsiiaǵa ótkizdi. Bizdiń jigitter birinshi kezekte adamdy qutqarady, al tabylǵan qundy zattardy politsiiaǵa beredi. Bundai jaǵdai birinshi ret bolyp turǵan joq", - dedi Gaziantep órt sóndirý qyzmetiniń basshysy Djafer Iylmaz.
Buǵan deiin reseilik qutqarýshylar úiindi astynan 150 myń dollar qolma-qol aqsha taýyp, qarajatty jergilikti politsiiaǵa ótkizgen bolatyn.
6 aqpanda Túrkiianyń ońtústik-shyǵysyndaǵy Kahramanmarash provintsiiasynda 7,7 jáne 7,6 balldyq jer silkinisi boldy. Jer asty dúmpýleri eldiń 11 provintsiiasynda jáne kórshi memleketterde, sonyń ishinde Siriiada da sezildi. Sońǵy málimetter boiynsha, Túrkiiada 39 myńnan astam adam qaitys boldy.
