Foto: Telegram/Rescue KZ
Túrkiiadaǵy jer silkinisi kezinde joǵalyp ketken qazaqstandyqtardyń biri úiindi astynan tabyldy, dep habarlaidy Azattyq Rýhy.
Sabina Mamadiarova úiindi astynan aman-esen shyǵaryldy. Sabinaǵa oqiǵa ornynda alǵashqy meditsinalyq kómek kórsetildi. Odan keiin ol aýrýhanaǵa jiberildi. Onyń qoly synǵany belgili.
Al Syrtqy ister ministrligi joǵalǵan qazaqstandyqtardy izdeý jumystary jalǵasyp jatqanyn aitty.
«Joǵalǵan azamattardyń týystarynan sońǵy oryndy bilgennen keiin bizdiń diplomattar dereý túrik biligine júgindi. Qazaqstan elshisi Erkebulan Sápiev Túrkiia IIM basshylyǵymen kelissózder júrgizip, qutqarýshylar tobyn jiberdi. Qazir otandastarymyz sońǵy ret kórgen úidiń úiindilerin taldaý operatsiiasy júrip jatyr. Ázirge olar tek Sabina Mamediarovany tapty. Jumys jalǵasýda. Qalǵan jigitter de tabylady dep úmittenemiz», - dedi QR SIM resmi ókili Aibek Smadiiarov Zakon.kz-ke bergen jaýabynda.
Buǵan deiin Túrkiiadaǵy zilzaladan keiin 4 qazaqstandyqtyń joǵalyp ketkeni týraly habarlanǵan.
Sońǵy derekter boiynsha, zilzaladan qaza tapqandardyń sany 11 myńnan asty.
