Foto:twitter.com/anadoluagency
Túrkiiada qaza tapqandar men zardap shekkender tiziminde qazaqstandyqtar joq. Bul týraly Syrtqy ister ministrliginiń baspasóz hatshysy Aibek Smadiiarov aityp berdi, - dep habarlaidy Tengrinews.kz.
"Túrkiiadaǵy diplomattar Túrkiianyń Tótenshe jaǵdailar departamentimen turaqty bailanysta. Osy ýaqytqa deiin Qazaqstan Respýblikasynyń azamattary zardap shekkender nemese qaza tapqandar tizimine engen joq. Bul rette qirandynyń kóp bolýyna bailanysty qutqarý jumystary jalǵasyp jatqanyn eskerý qajet", - dedi SIM ókili.
Onyń aitýynsha, keiingi táýlikte birneshe otbasy Túrkiiada bilim alyp jatqan balalaryn izdep, diplomattarǵa júgingen.
"Qazir bul aqparat tekserilip jatyr, ázirge naqty eshteńe aita almaimyn", - dep qosty Aibek Smadiiarov.
