Foto: gov.tr
QR Syrtqy ister ministrliginiń resmi ókili Aibek Smadiiarov arnaiy brifingide Túrkiiada zardap shekkender boiynsha qazirgi jaǵdai týraly málimet berdi, - dep habarlaidy "Ult aqparat" SIM baspasóz qyzmetine silteme jasap.
"Qazaqstannyń Syrtqy ister ministrligi Hatai provintsiiasynyń Antakia qalasynda úi qulaýy saldarynan qaza tapqan Ádil Qadyrbekov pen Mirbolat Qurmashevtiń týystary men jaqyndaryna qaiǵyra kóńil aitady.
Syrtqy ister ministrligi qaza tapqandardyń denelerin otanǵa jetkizý úshin barynsha kómek kórsetedi. Bizdiń otandastarymyzdyń deneleri ústimizdegi jyldyń 11 aqpanynda Antaliia-Almaty turaqty reisimen Qazaqstanǵa jetkiziledi dep kútilip otyr. Barlyq shyǵyndy memleket óz moinyna alady.
Jer silkinisinen aman qalǵan Sabina Mamadiarovanyń jaǵdaiyna kelsek, ol qazir Adana qalasynyń memlekettik aýrýhanasynda. Keshe onyń zaqymdalǵan qolyna operatsiia jasaldy, densaýlyq jaǵdaiy turaqty. Diplomattar emdeýshi dárigerlermen turaqty bailanysta, qajetti meditsinalyq kómek kórsetilip jatyr. Búgin konsýl oǵan jeke baryp qaitady" - dedi Smadiiarov.
Onyń aitýynsha, Túrkiiadaǵy jer silkinisi saldarynan bolǵan qiraýlar týraly habardan beri ministrliktiń táýlik boiy jumys isteitin «jedel jelisine» 1 myńnan astam qońyraý túsip, óńdelgen. Olardyń kópshiligi - Túrkiia aýmaǵyndaǵy týystaryn tabý týraly ótinishter.
Foto: QR SIM
"Sonymen qatar Túrkiiadaǵy diplomattarymyzǵa qońyraýlar men ótinishter túsip jatyr, olar osy birneshe kún ishinde 150-den astam otandastyń ornalasqan jerin anyqtap, Qazaqstandaǵy týystarymen bailanys ornatýǵa kómektesti.
Óńirdegi aýyr jaǵdaidy, bailanystyń bolmaýy nemese bailanystaǵy qiyndyqtardy eskere otyryp, sondai-aq azamattarymyzǵa qajetti kómek kórsetý úshin diplomattar apat aimaqtaryna, atap aitqanda eń kóp zardap shekken Gaziantep, Antakia jáne Kahramanmarash qalalaryna bardy. Kóptegen otandastarymyzǵa qaýipsiz jerge kóshýge kómek qajet boldy, olar kólikpen, tamaqpen jáne baspanamen qamtamasyz etildi.
Keibir azamattarymyz otanyna oralýǵa niet bildirdi. Sonymen qatar kóptegen qazaqstandyqtar turǵyn úileriniń buzylýyna bailanysty qujattaryn joǵaltty. Konsýldar olarǵa qajetti jol júrý qujattaryn sol jerde rásimdep berdi" - deidi SIM resmi ókili.
Sońǵy 4 kúnde Gaziantep, Mersin, Kahramanmarash, Diiarbakyr, Shanlyýrfa, Adana, Konia jáne Eliazyk provintsiialarynan 124 Qazaqstan azamaty shyǵarylǵan, onyń ishinde 58 Qazaqstan azamaty Astanaǵa repatriatsiialyq reistermen jetkizilgen.
"Qazaqstannyń taǵy bir azamaty habar-osharsyz ketti dep eseptegenbiz. Degenmen biz ony Hatai qalasynda taptyq, ol eki kún boiy bailanysqa shyǵa almaǵan. Qazir aman-saý, qaýipsiz jerde. Turatyn úii zardap shekken joq.
Sondai-aq Qazaqstannyń taǵy bir azamaty áli kúnge deiin habar-osharsyz ketti dep eseptelip otyr. Ol 6 aqpannan beri bailanysqa shyqpady, turatyn jeri - Kahramanmarash qalasy. Ápkesi ministrliktiń «jedel jelisine» habarlasqannan keiin onyń izdeý jumystaryn bastadyq.
Qazirgi ýaqytta Qazaqstan Elshiliginiń qyzmetkeri ony osy qalaǵa baryp, túrik qutqarýshylarymen birlesip izdestirip jatyr. Kórshilerdiń aitýynsha, úi qiraǵan kezinde ol ishinde bolǵan" - dedi Aibek Smadiiarov.
