Túrkiiada orman órtinen keiin sý tasqyny bastaldy, - dep habarlaidy Tengrinews.kz tilshisi Reuters agenttigine silteme jasap.
Qatty jaýyn-shashynnan bolǵan sý tasqyny Túrkiianyń Qara teńiz jaǵalaýyndaǵy kópirdi qiratyp, birneshe eldi mekendi jaryqsyz qaldyrdy.
Sý tasqyny Sinop, Bartyn, Qarabiýk jáne Kastamoný provintsiialaryna áser etti. Túrkiianyń soltústigindegi Bartyn provintsiiasynda kópir qulady. Tótenshe jaǵdai saldarynan 13 adam zardap shegip, bir adam infarkttan qaitys boldy. Sonymen qatar, qutqarý qyzmetkerleri joǵalǵan 80 jastaǵy áieldi izdestirip jatyr.
Premer‐ministr janyndaǵy tótenshe jaǵdailar jáne apattar basqarmasy (AFAD) málimeti boiynsha , 12 aýylda elektr qýaty úzilgen. Sondai-aq, ǵimarattardyń birinshi qabattary sý astynda qalǵan.
Bartynnan 240 shaqyrym jerde ornalasqan Sinop provintsiiasynda sý tasqyny saldarynan bir úi qulady. Provintsiianyń tabiǵi apattan zardap shekken aýdandarynda kóp úi men kásiporyndy sý basty. Sheneýnikter bul aimaqtaǵy memlekettik aýrýhana saqtyq sharasy úshin evakýatsiialanǵanyn habarlady.
Derekterge sáikes, qazirgi ýaqytta izdestirý-qutqarý jumystary júrgizilip jatyr. Turǵyndar sý basqan úilerden úrlemeli qaiyqtarmen kóshirilip jatyr.
Eske salaiyq, shildeniń sońynan bastap Túrkiiada orman órtteri órship tur. Tanymal kýrorttar 13 provintsiiadaǵy orman órti saldarynan týristik maýsymnyń ortasynda ot pen tútinge orandy. Keibir jerlerde jalyn turǵyn úiler men qonaq úilerge jaqyndady, týrister men jergilikti turǵyndar evakýatsiialandy. Keiin terroristik uiym Túrkiiadaǵy órt úshin jaýapkershilikti óz moinyna aldy.
