Foto:aa.com.tr
Dúisenbide Túrkiianyń ońtústik-shyǵysyndaǵy Gaziantep provintsiiasynda 6,4-6,6 magnitýdaly, keiin 7,4 magnitýdaly qýatty jer silkinisi boldy. Bul týraly Memlekettik tótenshe jaǵdailar basqarmasy (AFAD) málim etti, dep habarlaidy QazAqparat saity Anadoly portalyna silteme jasap.
Agenttik málimetinshe, 6,4 jáne 6,6 magnitýdaly eki jerasty dúmpýi Nýrdagy aýdanynda, 6,6 magnitýdaly jer silkinisi Islahie aýdanynda tirkelgen. Zilzaladan ǵimarattar qiraǵan. AFAD málimetinshe, 7,4 balldyq jer silkinisi Kahramanmarash provintsiiasyndaǵy Pazardjik aýdanynda jergilikti ýaqyt boiynsha 04:17-de 7 km tereńdikte bolǵan. Sodan keiin jer silkinisi ár túrli aimaqtarda - Adana, Ankara, Antalia, Gaziantep, Kaiseri, Mersin, Trabzon, Ýrfada sezilgen.
Túrkiianyń TRT memlekettik telearnasy tikelei efirde Túrkiianyń ońtústik-shyǵysynda ornalasqan provintsiialardyń kadrlaryn kórsetti. Onda turǵyndar sýyqqa qaramastan, zilzala qaitalanýynan qorqyp, úilerin tastap ketip jatyr.
Aldyn ala málimet boiynsha, Shanlyýrfa provintsiiasynda kem degende 16 úi qiraǵan.
Túrkiiadaǵy jer silkinisinen keiin dabyldyń eń joǵary deńgeii jariialandy.
«Elde dabyldyń eń joǵary deńgeii jariialandy. Biz Tótenshe jaǵdailar basqarmasymen birge óńirge qutqarýshylar jiberdik», - dedi eldiń Ishki ister ministrligi.
Zilzalada zardap shekken aýdandarǵa gýmanitarlyq kómekter artylǵan júk ushaqtary da ushyrylmaq, halyqaralyq kómek te qarastyrylady.
AQSh Geologiialyq qyzmeti 7,8 baldyq jer silkinisiniń 6 aqpanda jergilikti ýaqyt boiynsha saǵat 04:17-de Gaziantep mańynda 17,9 shaqyrym tereńdikte bolǵanyn habarlady. Al túrik seismologtary jer silkinisiniń kúshin 7,4 ball dep baǵalady.
Túrkiia prezidenti Rejep Taiyp Erdoǵan Twitter paraqshasynda jer silkinisinen zardap shekken aimaqtarǵa dereý izdeý-qutqarý toptary jiberilgenin jazdy.
