Túrik órt sóndirýshileri sońǵy aptala eldegi orman órtiniń basym bóligin baqylaýǵa aldy, dep habarlaidy Anadoly aqparat agenttigi.
Bul týraly seisenbi kúni ótken brifingte Túrkiianyń aýyl jáne orman sharýashylyǵy ministri Bekir Pakdemirli málim etti.
«28 shilde men 3 tamyz aralyǵynda eldiń 38 provintsiiasynda bolǵan 163 órttiń 152-si sóndirildi», - dedi vedomstvo basshysy.
Ministr tabiǵi apatpen kúres jolynda 16 ushaq, 9 ushqyshsyz basqarylatyn ushý apparaty, 51 tikushaq, bir ushqyshsyz basqarylatyn tikushaq, 805 avtotsisterna, 155 ekskavator jáne 5200 arnaiy qyzmetker jumyldyrylǵanyn málim etti.
Pakdemirli orman órtin sóndirýge tartylǵan amfibiia-ushaqtardyń sany 3-ten 6-ǵa deiin, al tikushaq sany – 45-ten 57-ge deiin óskenin qosyp ótti.
Onyń aitýynsha, órtti sóndirýge barlyǵy 72 ushý apparaty tartyldy.
