Foto: Reuters
Túrkiia men Siriiadaǵy jer silkinisinen qaza tapqandar sany 50 myńnan asýy múmkin. Bul týraly BUU Bas hatshysynyń gýmanitarlyq máseleler boiynsha orynbasary Martin Griffits málimdedi, - dep habarlaidy Tengrinews.kz portaly Deutsche Welle agenttigine silteme jasap.
Griffits qazir jaǵdaidy baǵalaý qiyn ekenin, barlyq úiindilerdi bólshektep, tekserý qajet ekenin atap ótti.
"Biraq men qaza bolǵandardyń sany bul kórsetkishten eki ese nemese odan da kóp bolatynyna senimdimin. Bul qorqynyshty. Tabiǵattyń soqqysy qatty tańǵaldyrady. Bul qiraǵan ǵimaratttar astynda áli de biraz adam jatyr ǵoi, olardyń keibireýleri tiri", - dedi ol.
Sońǵy málimetter boiynsha, Túrkiia men Siriiada qaza tapqandar sany 33 myńnan asty.
