Foto: gov.tr
Túrkiia men Siriiadaǵy joiqyn jer silkinisinen qaza tapqandar sany 40 myńnan asty, - dep habarlaidy Massaget.kz portaly Al Jazeera saityna silteme jasap.
Túrkiia biligi 35 418 adamnyń máiitin tapqanyn aitsa, Siriia biligi 5 800-den asa adam qaza bolǵanyn málimdedi.
Túrkiia prezidenti Rejep Taiyp Erdoǵan úiindi astynan 8 myńnan asa adam tiri shyǵarylǵanyn jetkizdi.
Aita keteiik, Halyqaralyq kóshi-qon uiymynyń gýmanitarlyq júk tielgen 10 kóligi Túrkiiadan Siriianyń soltústik-batysyna Bab-el-Salam baqylaý-ótkizý beketi arqyly ótti.
"7,8 baldyq jer silkinisinen keiin 200 saǵattan asa ýaqytta úiindiler astynda qalǵandardy tabý úmiti sóngendikten, basty nazar aman qalǵandardyń kóp bóligin tamaqpen jáne baspanamen qamtamasyz etýge aýdaryldy", dep jazady agenttik.
BUU málimetinshe, jer silkinisinen keiin Siriiada 5,3 millionǵa jýyq adam baspanasyz qalýy múmkin. Túrkiia men Siriiada 900 myńǵa jýyq adam shuǵyl túrde ystyq tamaqqa muqtaj.
