«Qazaqstan» teleradiokorporatsiiasynyń basqarma tóraǵasy Lázzat Tanysbai túrkitildes elder televiziialyq jobalaryn tegin almasýy qajettigin aitty, dep habarlaidy QazAqparat.
«Korporatsiia jylyna 200-ge jýyq bólimnen turatyn telehikaialar túsiredi, biz naryqqa jylyna 15-16 serial usynyp otyrmyz. Qazirgi ýaqytta «Qorqyt ata» serialyna daiyndyq jumystaryn bastadyq, bul telehikaiany kúlli túrki álemine ortaq ónim etip jasaý, sizderdiń de arnalaryńyzǵa usyný oida bar. Bul baǵytta ortaq jobany júzege asyrý úshin birlesken jumys jasap, sizderdiń elderińizde túsirilim jasap, ortaq serial jasaýǵa niettimiz. Sebebi bizdiń Qorqyt ata bárimizdiń tarihymyzda bolǵan ortaq tulǵa, sondyqtan osy jobaǵa atsalyssańyzdar degen naqty usynysymyz bar», - dedi Lázzat Tanysbai XVII Eýraziia mediaforýmynda «Túrkitildes elderdiń buqaralyq aqparat quraldary» atty dóńgelek ústelde.
Telekorporatsiia basshysy túrkitildes elder óndirgen televiziialyq tarihi jobalarmen almasý alańyn qurýdy usyndy.
«Jyl saiyn bizdiń jáne sizderdiń telearnalarda mádeni-tarihi baǵyttaǵy kóptegen jańa ónim daiyndaimyz. Solardy almasyp turý úshin ortaq serialdardyń onlain platformasyn nemese ortaq aqparattyq servis qurýdy usynamyz. Iaǵni, ol jerge kez kelgen telearna óziniń daiyndap jatqan jańa ónimin tanystyrý úshin ańdatpalaryn júktei alady. Al qyzyǵýshylyq tanytqan memlekettiń telearnasy ony tegin alýyna múmkindik jasaýymyz kerek. Bul ortaq tarihymyzdy ár eldiń ana tilinde kórsetýge múmkindik bolar edi, bul júieni telejobalar óndirisine ideia alatyn franshizalyq alań retinde de paidalanýǵa bolady», - dedi koroporatsiia basshysy.
Sonymen birge, L. Tanysbai birtutas túrki tarihyn kórsetetin animatsiialyq jobalar óńdeýge de qatysty usynys bildirdi.
«Qazirgi ýaqytta «Qazaqstan» korporatsiiasy bul salada birqatar tabystarǵa qol jetkizdi, ónimderimiz syrtqy naryqqa shyǵyp jatyr. Korporatsiia quramyndaǵy «Balapan» telearnasy animatsiianyń damýyna eleýli úles qosyp keledi. Onda jylyna 250-300 bólimdi quraityn 20-25 animatsiialyq týyndy shyǵaryp otyrmyz», - dedi Lázzat Tanysbai.
Aita keteiik, XVII Eýraziia mediaforýmynyń «Túrkitildes elderdiń BAQ-y. Qazirgi jaǵdaida yntymaqtastyqty damytý» dóńgelek ústeline Halyqaralyq Túrki akademiiasynyń vitse-prezidenti F.Madjidli, «Qazaqstan» teleradiokorporatsiiasynyń basqarma tóraǵasy L.Tanysbai, Ázirbaijan telejúrgizýshisi T. Abbasov, Vengriianyń «Dýna» telekompaniiasynyń direktory I.Palffi-Orban, Qyrǵyzstan «Kabar» agenttiginiń direktory K.Taabaldiev, Ózbekstan Ulttyq teleradiokompaniiasynyń tóraǵasy A.Hadjaev qatysyp jatyr.
