Mádeniet jáne sport ministri Aqtoty Raiymqulova Túrkistan qalasyndaǵy sáýlet jobalary týraly málimet berdi, dep habarlaidy QazAqparat.
«Rýhani jańǵyrý baǵdarlamasy aiasynda qalanyń biregei sáýlet elementteri men biregei erekshelikterin saqtai otyryp, Túrkistannyń tarihi ortalyǵyn qaita jańǵyrtý boiynsha belsendi jumys jalǵasyp jatyr. Restavratsiia, rekonstrýktsiia jáne arheologiialyq zertteýler boiynsha barlyq júrgiziletin jumystar halyqaralyq sarapshylardyń jáne IýNESKO siiaqty bedeldi uiymdardyń usynymdaryna sáikes júrgizilip keledi. Tarihi málimetter negizinde, sondai-aq, elimizdiń tanymal ǵalymdaryn tarta otyryp, basty nysany – Qoja Ahmet Iasaýi kesenesi bolyp tabylatyn Áziret Sultan mýzei-qoryǵynyń árbir nysanyn damytýdyń tujyrymdamalyq jospary ázirlendi. Osylaisha qoldanystaǵy materialdardy barynsha saqtai otyryp, Qoja Ahmet Iasaýi kesenesiniń bas kúmbezi jańartyldy», - dedi vedomstvo basshysy.
Ol, sondai-aq qazaq handarynyń resmi qabyldaýy ótkizilgen Úlken Aq sarai zaly sol zamannyń ulttyq naqyshynda renovatsiialanǵanyn eske saldy.
«Qoja Ahmet Iasaýi kesenesi men Jeti ata qaqpasynyń arasynan magistraldi kóshe qaita qurylyp, keiinnen qolóner dúkenderi men sheberhanalaryn, qalpyna keltirý arqyly tarihi kósheni jandandyrý josparlanýda. Ǵylymi qalpyna keltirý jumystarymen qatar kesene aýmaǵyn abattandyrý boiynsha joba iske asyrylýda», - dedi Aqtoty Raiymqulova.
