Qazaqstan 24 aqpannan bastap Túrkistannan Ystanbulǵa halyqaralyq reis ashady. Qazaqstandyq áýe kompaniialary («Eir Astana» jáne SCAT) bul baǵytta aptasyna tórt reis oryndaidy, dep habarlaidy QR IIDM baspasóz qyzmeti.
Tiisti sheshim epidemiologiialyq jaǵdaidyń ózgerýine jáne Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń sheshimine bailanysty qabyldandy.
Atalǵan sheshimge sáikes, sondai-aq Ózbekstan, Qyrǵyzstan jáne Ýkrainaǵa kelesi baǵyttar boiynsha reister sanyn ulǵaitýǵa ruqsat etildi:
Almaty-Tashkent-Almaty: aptasyna 4-ten 8 reiske deiin («Eir Astana» men Uzbekistan Airways 2 reisi qosylady);
Almaty-Bishkek-Almaty: aptasyna 3-ten 5 reiske deiin («Eir Astana» 2 reisi qosylady);
Almaty-Kiev-Almaty: aptasyna 1-den 2 reiske deiin («Eir Astana»1 reisi qosylady).
Reister sanitarlyq-epidemiologiialyq talaptardy qatań saqtai otyryp jáne áýe kompaniialarynyń saittarynda jariialanǵan kestege sáikes oryndalady.
