Búgin QR Prezidenti Qasym-Jomart Toqaev ulyqtaýdan keiingi halyq aldynda alǵashqy Joldaýyn jariialady.
Prezident óz Joldaýynda halyqtyń áleýmettik-ekonomikalyq, saiasi jaǵdaiyn arttyrý boiynsha basqarý organdary men Parlamentke tapsyrmalar berdi. Kezekti Joldaýdy zor yqylaspen qabyl alǵan túrkistandyqtar ony tikelei efir arqyly tamashalady.
Jiynǵa «Nur Otan» partiiasy, Ardagerler uiymy, ustazdar, kásipodaq uiymy, úkimettik emes uiymdar, qoǵam belsendileri men jastar qatysty. Sondai-aq, Joldaýdy oblystaǵy aýdan, qala ákimdigi qyzmetkerleri de zeiin qoiyp, yqylaspen tyńdady. Oblysta Kásiporyn, mekeme basshylyǵy qyzmetkerleriniń qatysýymen kollektivti kórsetilim uiymdastyryldy.
Oblys ákimdiginde ótken ujymdy kórsetilimde oblys ákiminiń orynbasary Saken Qalqamanov aýdandarda halyqqa aqparattyq túsindirý toptaryn qurýdy jáne media jospardy daiyndaýdy tapsyrdy.
Jalpy Túrkistan oblysy boiynsha 16 qala/aýdanda, 26 oblystyq basqarmalar men iri kásiporyndarda Joldaýdyń ujymdyq kórsetilimi uiymdastyryldy. Sonymen qatar, Joldaýdy jergilikti halyqqa túsindirý boiynsha 5 aqparattyq nasihat toby quryldy.
Aqparattyq nasihat toptardyń quramyna oblys ákiminiń orynbasarlary, basqarma basshylary, ziialy qaýym ókilderi, joǵary oqý oryndarynyń oqytýshylary, sarapshylar engizildi.
Osy oraida, barlyq deńgeidegi ákimder, halyq qalaýlylary, jastar, ardagerler, quzyrly organdar, qoǵamdyq uiymdar, barlyq sala belsendileri Prezidenttiń Joldaýyn halyqqa keńinen nasihattaý jumystaryn júrgizip, barlyq basymdyqtarynyń joǵary deńgeide júzege asyrylýyna belsendi atsalysatyn bolady.
