Túrkistan oblysynda «Biz birgemiz!» aktsiiasy jalǵasýda.
Koronavirýsqa qarsy kúresti kúsheitý men kómekke muqtaj jandardy qoldaý maqsatynda belgili kásipker, oblystyq máslihat depýtaty, «Bórte milka» JShS direktory Nuraly Ábish arnaiy qorǵa 5 million teńge aýdardy, dep habarlaidy "Ult aqparat".
Sonymen birge Nuraly Ábish ózi basqaratyn seriktestik atynan 100 otbasyǵa sútten jasalǵan ónimdermen demeýshilik kórsetti. Buǵan deiin de igi isterimen tanylyp júrgen «Nur Otan» partiiasynyń múshesi jurtshylyqty qaýipti indetpen birigip kúresýge shaqyrdy.
«Biz úkimet tarapynan qolǵa alynyp otyrǵan shekteýler men saqtaný sharalaryna barynsha qoldaý bildirip, túsinistik tanytyp, barlyq talaptardy oryndaýǵa tiispiz. Sondai-aq jalǵan aqparattarǵa senbei, el ishinde úrei týǵyzbaýǵa, jurtty sabyrǵa shaqyryp, yntymaq, birlikke uiystyra bilýimiz kerek. Álemge qaýip tóndirip turǵan indetpen kúres júrgizý – tek meditsina qyzmetkerleri men quqyq qorǵaý mamandarynyń ǵana emes, búkil qazaq qoǵamynyń mindeti», – dedi kásipker.
