Túrkistanda 6 baǵyttaǵy kóliktiń terezesine beti jabysyp qalǵan balaǵa qatysty kórinisti qala ákimi túsindirip ótti. Shahar basshysy Rashid Aiýpov oblys ortalyǵynda áli de qoǵamdyq kólikter jetkiliksiz ekenin aitady, dep habarlaidy "Ult aqparat".
«Qalada qoǵamdyq kólikterdiń jetispeýshiligi problemasy bar. Sebebi, qazir bir ǵana «Jolaýshy» seriktestigi jolaýshylar tasymaldaýmen ainalysady. Biraq bul másele qazirgi tańda birtindep sheshimin taýyp keledi. Atalǵan seriktestik, avtoparkin jańartyp jatyr. Jyl basynda 16 avtobýspen tolyqqan bolsa, endi olardyń qataryna Qytaidan ákelingen «Yutong» markaly 5 avtobýs qosyldy»,- dedi Rashid Aiýpov.
Shahar basshysynyń sózinshe, «Jolaýshy» JShS-niń jańalyǵy munymen taýsylmaidy. Seriktestik «Túrkistan» áleýmettik kásipkerlik korporatsiiasymen» birlesip jumys isteý arqyly, jyl sońyna deiin Qazaqstanda jasalǵan «Saryarqa AvtoProm» avtozaýyt bazasynan sý jańa 36 avtobýsty satyp almaqshy.
Eske salaiyq, demalys kúni beti №6-shy baǵdardaǵy kóliktiń terezesine jabysyp qalǵan balanyń kórinisi áleýmettik jelilerge tarap ketken bolatyn. Ony janynda ótip bara jatqan kóliktiń jolaýshysy túsirip alyp, jelilerge salyp jibergen. Bul kóriniske bailanysty oqyrmandar tarapynan ár túrli pikirler jazylýda. Biri muny qoǵamdyq kólikterdiń jetispeýshiliginen dep túsindirse, endi biri qandai jaǵdai bolmasyn mektepke bara jatqan balaǵa aiaýshylyq tanytqan.
