Túrkistan qalasynda ornalasqan «Iaassy» kesheniniń 2-qabatynan órt shyqty, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Oqiǵadan zardap shekkender joq. Alǵashqy málimetter boiynsha jaraqat alǵan azamattar da joq. Alǵashqy habarlama saǵat 11.01-de túsken. 11.34 órttiń beti qaitaryldy. Órt sóndirýshiler men politsiia qyzmetkeleriniń kómegimen qonaq úiden 20 adam qaýipsiz jerge kóshirildi. 10 adam ózdiginen shyqqan.
Oqiǵa ornynda 5 tehnika men 29 órt sóndirýshi jumys istep jatyr. Qonaq úidiń jalpy kólemi 2700 m2, jalyn 150 sharshy metr aýmaqty sharpyǵan. Órt 11.52-de tolyǵymen sóndirildi. Tilsiz jaýdyń shyǵý sebepteri anyqtalýda.
